Færsluflokkur: Ljóð

27.1.2009 | 23:00

Úr öngum hugarbandsins

Í mig hleypur óyndi

í öllu þessu fári,

fjandans ári og andskoti

er nú þessi fjári.

En þegar neyðin nístir mest

nærri er hjálparstoðin,

við verðum bráðum fær í flest,

flytjast okkur boðin.

Helguvík og Bakkabú

bætast senn í hópinn nú,

Straumsvík hressir Hafnarfjörð,

um haginn okkar stendur vörð.

Þjórsárvirkjun þrenna tel,

það mun blessast okkur vel,

gagnaverin verða mörg

og vísast okkur mikil björg.

Okkur veitir vatnið hreint

velsæld áfram góða,

við fiskimiðin sveltum seint

er sjávarfangið bjóða.

Hveravatnið heita rís

úr heitum iðrum landsins

og þíðir kaldan andans ís

úr öngum hugarbandsins.

EÞ

Ljóð | Slóð | Facebook | Athugasemdir (0)

Um bloggið

Egill Þórðarson

Ég er fæddur 23. ágúst 1949 í Reykjavík, ólst upp í Kópavogi þar til ég fór til náms í Svíþjóð.Þar lauk ég verkfræðinámi frá KTH í Stokkhólmi 1976 en hef starfað á Íslandi síðan. Fyrst starfaði ég í Stálsmiðjunni, síðan á Verkfræðistofu Guðmundar og Kristjáns og kenndi jafnframt við Háskóla Íslands málmefnisfræði. Síðan lá leiðin á Suðurnes í þjónustu Varnarliðsins þar sem ég starfaði rúm 20 ár, en hóf störf hjá Verkfræðistofu Sig. Thoroddsens 2004 og síðar hjá Hniti 2007-2009. Ég kynntist Ragnheiði konunni minni 1979 og fékk með henni tvær yndislegar dætur, sem sagt þrjár í einum pakka. Við eigum líka son Ragnar en öll eru þau uppkomin og hin mannvænlegustu. Það er mikið lán.